اوکاڑہ میں مبینہ پولیس مقابلے میں خطرناک ڈاکو کو زخمی حالت میں گرفتار جبکہ تین ڈاکو فرار ہونے میں کامیاب ہو گئے۔
تفصیلات کے مطابق اوکاڑہ میں مبینہ پولیس مقابلے میں خطرناک ڈاکو کو زخمی حالت میں گرفتار کرلیا گیا جبکہ 3 ڈاکو فرار ہوگئے۔
پولیس کا کہنا ہے کہ زخمی ڈاکو کی شناخت شیر محمد عرف لنڈا کے نام سے ہوئی، ڈاکو شیر محمد ڈکیتی اور راہزنی کی 27 سے زائد وارداتوں میں ملوث ہے، ڈاکوؤں نے شہری سے موٹر سائیکل چھینی تھی۔
پولیس حکام نے کہا کہ ڈاکوؤں کی اپنی فائرنگ سے ایک ڈاکو زخمی ہوگیا اور 3 فرار ہو گئے، زخمی ڈاکو سے چھینی موٹر سائیکل، رقم ، موبائل فون اور اسلحہ برآمد کیا گیا جبکہ فرار ہونیوالے ڈاکوؤں کی گرفتاری کیلئے ٹیمیں تشکیل دے دی ہیں۔
