اوکاڑہ میں مبینہ پولیس مقابلے میں 3 ڈاکو ہلاک جبکہ 3 فرار ہوگئے۔

تفصیلات کے مطابق دایارم پل کے قریب پولیس اہلکار ناکے پر موجود تھے اس دوران 6 مشکوک موٹرسائیکل سواروں کو چیکنگ کیلئے روکا گیا تو ڈاکوؤں نے اندھا دھند فائرنگ کردی۔

پولیس حکام کے مطابق اس دوران پولیس اور ڈاکوؤں میں فائرنگ کا تبادلہ کافی دیر تک جاری رہا اور تینوں ملزم اپنے ہی ساتھیوں کی فائرنگ سے ہلاک ہوگئے جبکہ 3 فرار ہوگئے۔

پولیس حکام نے بتایا کہ 6 ڈاکو شہری شاہد سے نقدی، موٹر سائیکل اور موبائل چھین کر فرار ہوئے تھے، ڈاکوؤں کے قبضے سے نقدی اور اسلحہ برآمد کر لیا، مارے جانے والے ڈاکو سنگین وارداتوں میں ملوث تھے۔