بھارت کے شہر علاقہ شیخ پیٹ کے پاس محکمہ واٹر ورکس و سیوریج بورڈ کی جانب سے ڈرینج کے لئے کھودے گئے گڑھے میں گرنے کے باعث بزرگ روزہ دار خالق حقیقی سے جاملے۔
بین الاقوامی خبر رساں ادارے کی رپورٹ کے مطابق پولیس ذرائع کا اس حوالے سے کہنا ہے کہ 78 سالہ غلام محمد جو کہ منی گلشن کالونی کے رہنے والے بتائے گئے ہیں 31مارچ کو عصر کی نماز پڑھنے کے بعد واپس گھر روانہ ہورہے تھے۔
بزرگ غلام محمد حادثاتی طور پر سوریانگر کالونی کے پاس ڈرینیج کے کاموں کے لئے کھودے گئے گہرے گڑھے میں گرکر شدید زخمی ہوگئے، انہیں گڑھے سے نکال کر علاج کے لئے فوری طور پر اسپتال منتقل کیا گیا،مگر وہ دوران علاج جان کی بازی ہار گئے۔
- Advertisement -
ٹرین میں 15سالہ نابالغ لڑکی سے چھیڑ چھاڑ ملزم کو مہنگی پڑ گئی
فلم نگر پولیس نے اس سلسلہ میں مقدمہ درج کرکے تحقیقات شروع کردی ہیں اور نعش کو بعد پوسٹ مارٹم ورثاء کے حوالے کردیا گیا ہے۔
