ماسکو : عمررسیدہ روسی خاتون نے چاقو بازی میں پولیس اور فوجی اہلکاروں کو بھی پیچھے چھوڑ دیا۔
غیر ملکی خبر رساں ادارے کی رپورٹ کے مطابق روس کے چھوٹے سے قصبے ساسوو سے تعلق رکھنے والی 68 سالہ خاتون چاقو بازی کے ابتک آٹھ قومی مقابلوں کی کامیابی کا تاج پہن چکی ہے جبکہ ایک یورپی اور ایک عالمی مقابلے کی فاتح بھی بن چکی ہیں۔
چووینا نامی خاتون نے 54 برس کی چاقو سے نشانہ بازی شروع کی اور پھر اتنی ماہر ہوگئی کہ قومی مقابلوں میں جوانوں کو ہرا دیا۔
روسی خاتون نے مسلسل تربیت کے بعد 2008 میں عالمی مقابلہ کی فتح کا سہرا اپنے سر سجایا جبکہ 2013 میں یورپی سطح پر منعقد ہونے والے چاقو اور چھوڑی کلہاڑی سے نشانہ لگانے کے مقابلے میں شرکت کی اور وہاں بھی فتحیاب ہوئیں۔
میڈیا رپورٹس کے مطابق چاقو بازی کے مقابلوں میں چووینا اب تک 50 میڈل حاصل کرچکی ہیں اور وہ چاقو بازی میں اتنی ماہر ہوچکی ہیں کہ اب پولیس اور فوجی اہلکاروں کو چاقو اور چھوٹی کلہاڑی سے شکار کو نشانہ بنانا سیکھاتی ہیں۔
