کراچی : شہر قائد میں تعلیمی اداروں کے پرانے اوقات کار بحال کردیئے گئے، پیر سے تمام اسکولوں میں اسمبلی کے اوقات کار صبح8 بجے سے ہوں گے۔
تفصیلات کے مطابق کراچی میں سردی کی شدت میں کمی کے باعث تعلیمی اداروں کے پرانے اوقات کار بحال کردیئے گئے۔
پیر سے تمام اسکولوں میں اسمبلی کےاوقات کار صبح 8 بجے سے ہوں گے۔
یاد رہے محکمہ تعلیم نے موسم سرما کے باعث اسکولوں کے اوقات کار تبدیل کئے تھے۔
ڈائریکٹوریٹ آف پرائیویٹ انسٹی ٹیوشن کی جانب سے نوٹیفکیشن جاری کیا گیاتھا ، جس میں کہا گیا تھا کہ سندھ بھر کے نجی اسکول صبح ساڑھے آٹھ بجے کھولے جائیں گے۔
نوٹیفکیشن میں بتایا گیا تھا کہ 31 مارچ تک یہی اوقات کار برقرار رہیں گے۔
