مانچسٹر : اولڈ ٹریفرڈ ٹیسٹ میں پاکستان کےگرد گھیرا تنگ ہوگیا کھیل کے اختتام پر پاکستان نے چار وکٹ پر صرف ستاون رنزبنائے، انگلینڈ نے پہلی اننگز پانچ سو نواسی رنزپر ڈیکلیئر کی تھی۔
اولڈ ٹریفرڈ میں دوسرے روز انگلینڈ نے نامکمل اننگز چارکھلاڑی آؤٹ تین سو چودہ رنزشروع کی توجو روٹ اورکرس ووکس نے دلکش اننگ کھیلی،انگلینڈ کے کرس ووکس نے شاندار بیٹنگ کی،عامرکو تھرڈ مین پرچھکا لگا اورففٹی بھی بنائی،انتالیس اوورز کے انتظار کے بعد بلا آخر یاسرشاہ کو دوسرے ٹیسٹ میں پہلی وکٹ ملی جب ووکس اٹھاون رنزپر آؤٹ ہوئے۔
پہلے روزسنچری جڑنے والے جو روٹ نے دوسرے روز جڑیں مزید مضبوط بنائی،روٹ کے سامنے قومی بولرز بے بس نظر آئے، شاندار بیٹنگ کرتے ہوئے روٹ نے کیرئیر کی دوسری ڈبل سنچری بنائی۔
پاکستان کی جانب سے وہاب ریاض نے اپنے تئیسویں اوور کی پہلی گیند پروکٹ کامزا چکھا، بین اسٹوکس چونتیس رنزبناکر آؤٹ ہوئے۔ وکٹ کی تلاش میں مصباح نے اظہرعلی کے بعد شان مسعود سے بھی بولنگ کرائی لیکن کامیابی نہ ملی۔
انگلینڈ نے پانچ سو نواسی رنزکا پہاڑ کھڑا کرکے اننگز ڈیکلیرکردی،انگلینڈ کے جو روٹ دو سو چوون رنز بناکرٹاپ اسکورر رہے، لارڈزکے ہیرو یاسرشاہ نے دو سو تیرہ رنز دیکر صرف ایک وکٹ لی۔
