تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

انگلش فاسٹ بالر کا کیریئر شروع ہوتے ہی زوال پزیر ہوگیا

لندن: انگلش کرکٹ بورڈ نے نسل پرستانہ اور خواتین سے متعلق نازیبا ٹوئٹس کرنے پر انگلش فاسٹ بالر اولی رابنسن کو بین الاقوامی کرکٹ سے معطل کردیا ہے۔

تفصیلات کے مطابق انگلش کرکٹ بورڈ (ای سی بی) نے اپنے آفیشل ٹوئٹر اکاؤنٹ سے جاری کئے گئے بیان میں بتایا کہ انگلش فاسٹ بولر اولی رابنسن کو متنازعہ ٹوئٹس کرنے پر انٹرنیشنل کرکٹ سے معطل کردیا گیا ہے۔

بورڈ کی جانب سے جاری بیان کے مطابق اولی رابنسن کو فوری طور پر انگلینڈ ٹیم کا کیمپ چھوڑنے کی ہدایات کی گئی ہے، اولی رابنسن تحقیقات مکمل ہونے تک انٹرنیشنل کرکٹ سےمعطل رہیں گے۔

گزشتہ ہفتے اولی رابنسن نے انگلینڈ کے لئے ٹیسٹ ڈیبیو کیا تھا جہاں انہوں نے پہلی اننگز میں سات وکٹیں اور قیمتی 42 رنز بنائے تھے۔

یاد رہے کہ اولی رابنسن نے آٹھ سال قبل نسل پرستانہ،خواتین سےمتعلق نازیباٹوئٹس کی تھیں، تاہم نیوزی لینڈ اور انگلینڈ کے درمیان جاری ٹیسٹ میچ کے دوران ان کے متعدد پرانے ٹوئٹس سامنے آئے جو نسل پرستانہ، جنس پسندی اور ہم جنس پر مبنی تبصرے پر مشتمل تھے۔

کاؤئنٹی کرکٹ میں سسیکس کی نمائندگی کرنے والے فاسٹ بولر نے متنازعہ ٹوئٹس سامنے آنے کے بعد غیر مشروط معافی مانگتے ہوئے واضح کیا تھا کہ میں نسل پرست نہیں ہوں اور نہ ہی میں جنس پرست ہوں، ماضی میں کئے گئے ٹوئٹس پر مجھے افسوس ہے اور میں نے آج یقیناً اپنا سبق سیکھ لیا ہے۔

دوسری جانب انگلش کپتان نے اپنے ردعمل کا اظہار کرتے ہوئے کہا کہ ایسی ٹوئٹس ناقابل قبول ہیں۔

https://twitter.com/englandcricket/status/1401629972901634049?s=20

Comments

- Advertisement -
زاہد نور
زاہد نور
زاہد نور اے آر وائے نیوز کے ساتھ مانچسٹر سے بطور نمائندہ خصوصی منسلک ہیں