پیرس اولمپکس میں پاکستان کا پرچم بلند کرنے والے گولڈ میڈلسٹ ارشد ندیم کو ایک اور بڑے اعزاز سے نواز دیا گیا ہے۔
گزشتہ برس پیرس میں ہونے والے اولمپکس میں اولمپک تاریخ کی طویل ترین تھرو کر کے جیولن تھرو میں گولڈ میڈل جیتنے والے پاکستانی قوم کے ہیرو ارشد ندیم کو ایشین ایتھیلیٹکس فیڈریشن نے بہترین ایشین ایتھلیٹ کے ایوارڈ سے نوازا ہے۔
ارشد ندیم کو یہ ایوارڈ کوریا میں ایشین ایتھلیٹکس فیڈریشن کے اجلاس کے بعد دیا گیا۔
اجلاس میں چیئرمین ساؤتھ ایشین اتھلیٹکس میجرجنرل (ر) محمد اکرم ساہی، صدر اتھلیٹکس فیڈریشن پاکستان بریگیڈیئر(ر)وجاہت حسین ساہی اور سیکریٹری کرنل (ر) شاہجہان اور ارشد ندیم کے کوچ سلمان بٹ بھی موجود تھے۔
واضح رہے کہ ارشد ندیم جنوبی کوریا میں ہونے والی ایشین ایتھلیٹکس چیمپئن شپ میں پاکستان کی نمائندگی کریں گے۔ وہ پیرس اولمپکس کے بعد پہلی مرتبہ کسی انٹرنیشنل ایونٹ میں ایکشن میں دکھائی دیں گے۔
ارشد ندیم ایشین ایتھلیٹکس چیمپئن شپ کیلئے جنوبی کوریا روانہ ہوگئے
