نئی دہلی : بھارتی اداکار اوم پوری کی موت دل کا دورہ پڑنے سے نہیں ہوئی، پورسٹ مارٹم کی رپورٹ کے مطابق سر پر زخم کا نشان ہے، پولیس نے مرحوم کی موت سے متعلق مزید تحقیقات شروع کردیں۔ رپورٹ کے بعد شکوک وشبہات یقین میں بدلنے لگے کہ پاکستان کی حمایت پربھارتی اداکاراوم پوری کو را نے ٹھکانےلگایا۔
تفصیلات کے مطابق بھارت کے معروف اداکار اوم پوری چھ جنوری دو ہزار سولہ کو اس دار فانی سے کوچ کر گئے، ابتدائی طور پر ان کی موت کو ہارٹ اٹیک کی وجہ بہان کیا گیا، تاہم بعد ازاں پوسٹ مارٹم رپورٹ نے ان کی موت کو نیا موڑ دے دیا، پوسٹ مارٹم رپورٹ میں بتایا گیا ہے کہ اوم پوری کو قتل کیاگیا، ان کی موت غیر طبعی تھی۔
بھارتی میڈیا کے مطابق را ایجنٹس نے اوم پوری کو نشہ آور مشروب میں ہارٹ فیلئر کی ادویات ملا کر قتل کیا۔ پانچ اکتوبر دو ہزارسولہ کو بھارتی سرجیکل اسٹرائیک کے جھوٹے دعوے پرپاکستان کی کھل کرحمایت کرنے پراوم پوری کوقتل کیا گیا۔
مزید پڑھیں : اداکار اوم پوری اس دنیا میں نہیں رہے
سر پرلگا ڈیڑھ انچ گہرا زخم موت سے چند لمحےپہلے کا ہے، ذرائع کے مطابق بھارتی ایجنسیز کے پاس ایسی ادویات ہوتی ہیں جو دل کے دورے کاسبب بنیں، پراسرار قتل کا منصوبہ بھارتی قومی سلامتی کے مشیراجیت دوول کی جانب سے بنائے جانے کا انکشاف ہوا ہے۔
مزید پڑھیں : اوم پوری کی فلموں کے یادگار سین
بھارتی پولیس نے اوم پوری کی حادثاتی موت کامقدمہ کا درج کرکے ڈرائیوراور اہل خانہ سے تحقیقات کا آغاز کردیا ہے، ذرائع کے مطابق بھارتی ایجنسیز کا اگلا ہدف عالمی شہرت یافتہ بالی ووڈ اداکار شاہ رخ اور پاکستانی اداکارہ ماہرہ خان ہیں۔
