عمان نے کورونا وائرس کے بڑھتے کیسز کے پیشِ نظر فضائی حدود سمیت تمام راستے بند کر دیے۔
عمانی میڈیا کے مطابق بڑھتے کورونا کیسز کے باعث سپریم کمیٹی نے ایک ہفتے کے لیے تمام قسم کی سرحدیں بند کر کے آمد و رفت پر پابندی عائد کرنے کا فیصلہ کیا ہے۔
ملک میں آنے جانے کے ہوائی، سمندری اور زمینی راستے بند کر دیے گئے ہیں۔ فیصلےکا اطلاق آج رات ایک بجے سے ایک ہفتے کیلئے ہو گا۔
- Advertisement -
عمانی میڈیا کا کہنا ہے کہ کارگو کے ذریعے سامان کے آنے اور جانے پر فیصلےکا اطلاق نہیں ہوگا اور بری، بحری اور فضائی کارگو سے سامان کی ترسیل بدستور جاری رہے گی۔
کمیٹی کورونا وائرس کے نئے کیسز کی صورتحال پر نظر رکھے گی اور اس کے مطابق مناسب فیصلے کرے گی۔
