The news is by your side.

Advertisement

‘حکومتی اقدامات سے آئی پی پیز ٹیرف میں کمی، فائدہ عوام کو ہوگا’

لاہور : وفاقی وزیر توانائی عمر ایوب کا کہنا ہے کہ حکومتی اقدامات سے آئی پی پیز ٹیرف میں کمی ہوئی ، سستی توانائی کیساتھ کم نرخوں کا فائدہ عوام کو ہوگا۔

تفصیلات کے مطابق لاہور میں 100میگاواٹ کے سولرپاورپراجیکٹ پر دستخط کی تقریب ہوئی ، یہ منصوبہ پرائیوٹ پبلک پارٹنرشپ کےتحت لیہ میں لگایاجارہاہے، وزیراعلیٰ پنجاب عثمان بزدار بھی تقریب میں شریک ہوئے۔

وفاقی وزیر توانائی عمر ایوب نے تقریب سے خطاب کرتے ہوئے کہا حکومتی اقدامات سے آئی پی پیز ٹیرف میں کمی ہوئی، وزیراعظم عمران خان نظام کی تبدیلی کیلئے پرعزم ہیں، تمام منصوبوں میں شفافیت کویقینی بنارہے ہیں۔

عمر ایوب کا کہنا تھا کہ سستی توانائی کیساتھ کم نرخوں کا فائدہ عوام کو ہوگا، مستقبل کی ضروریات کےتحت متبادل توانائی ذرائع پر توجہ دےرہےہیں، 2025 تک8ہزارمیگاواٹ متبادل توانائی سےحاصل کرنے کا ہدف ہے ۔

وفاقی وزیر توانائی نے کہا کہ حکومت نے ترسیلی نظام کی صلاحیت کو 25ہزارمیگاواٹ تک بڑھایا ہے ، بجلی کےترسیلی نظام سے متعلق ماضی میں کبھی ایسی پلاننگ نہیں ہوئی، حکومت نے بجلی کے ترسیلی نظام کو بہتر بنایا ہے۔

وزیراعلیٰ پنجاب عثمان بزدار نے تقریب سےخطاب کرتے ہوئے صوبائی حکومت کی سستی بجلی کیلئےمتبادل توانائی کےذرائع پرتوجہ ہے، پنجاب میں 51فیصدبجلی گھریلوصارفین کیلئےاستعمال ہوتی ہے، صوبےمیں28فیصدبجلی صنعتی شعبےمیں استعمال ہوتی ہے۔

صوبائی حکومت کی سستی بجلی کیلئےمتبادل توانائی کےذرائع پرتوجہ ہے،پنجاب میں سرمایہ کاری کےبہت سےمواقع موجود ہیں، تعلیمی اداروں کوشمسی توانائی پرمنتقل کرنےکےمنصوبےپرکام جاری ہے۔

Comments

یہ بھی پڑھیں