اسلام آباد: میانوالی پولیس نے اسلام آباد پولیس کے ہمراہ اپوزیشن لیڈر کے گھر چھاپہ مارا تاہم عمر ایوب گھر پر موجود نہیں تھے۔

تفصیلات کے مطابق میانوالی پولیس نے اسلام آباد پولیس کے ہمراہ اپوزیشن لیڈر کے ایف 10 رہائش گاہ پر چھاپہ مارا، چھاپے کے دوران عمر ایوب گھر پر موجود نہیں تھے۔

اپوزیشن لیڈر عمر ایوب نے اس چھاپے کی تصدیق کرتے ہوئے سوشل میڈیا پر بیان جاری کیا جس میں کہا کہ اے ٹی سی سرگودھانے میرے خلاف قابل ضمانت وارنٹ جاری کئے۔

انہوں نے کہا کہ اسلام آباد اور میانوالی پولیس نے میرے گھر چھاپہ مارا ہے، وفاقی اور صوبائی حکومت اپوزیشن لیڈر کو گرفتار کرنا چاہتی ہیں۔

عمر ایوب خان نے مزید لکھا کہ واضح کر دوں بانی پی ٹی آئی کے وزیراعظم بننے تک جدوجہد جاری رہے گی۔