اسلام آباد: اپوزیشن لیڈر عمر  ایوب کا کہنا ہے کہ ترامیم کیلئے ایم این ایز کوایک ایک ارب اور وزارتوں کی پیشکش ہورہی ہے۔

تفصیلات کے مطابق اپوزیشن لیڈر عمر ایوب نے خصوصی کمیٹی اجلاس سے قبل صحافیوں سے گفتگو کرتے ہوئے کہا کہ اسوقت پی ٹی آئی ممبران کے گھروں پر ریڈز ہو رہے ہیں۔

اپوزیشن لیڈر نے انکشاف کیا کہ آئینی ترمیم پر ووٹ کے لیے ایم این ایز کوایک ایک ارب اوروزارتوں کی پیشکش ہو رہی ہے، ان کے نمبرز پورے نہیں ہیں ، سینیٹرز کو بھی آفرز ہو رہی ہیں۔

ان کا کہنا تھا کہ اس کمیٹی کا کام آئینی ترامیم نہیں ہے ، ہم آئینی ترمیم کی مخالفت کر رہے ہیں۔

اپوزیشن لیڈر نے خیبرپختونخوا کا نام پختونخوا رکھنے کی تجویز کی مخالفت کرتے ہوئے کہا اے این پی نے کے پی کا نام تبدیل کرنے کا مطالبہ کیا جو نہیں ہوناچاہیے، اس صوبے میں مختلف قومیں رہتی ہیں۔

Comments