پشاور : اپوزیشن لیڈر عمرایوب کا کہنا ہے کہ تحریک انصاف کوئی عسکری جماعت نہیں تاہم بانی پی ٹی آئی کی رہائی تک پرامن جدوجہد جاری رہے گی۔
تفصیلات کے مطابق اپوزیشن لیڈر عمر ایوب نے عدالت میں پیشی کے موقع پر میڈیا سے گفتگو کرتے ہوئے کہا کہ آج پشاورہائیکورٹ میں موجود ہوں، فیصل امین اور میں راہداری ضمانت کیلئےحاضرہوئے، اپوزیشن لیڈر کوموٹرسائیکل چوری کے مقدمےمیں نامزد کیا ہے۔
رہنما پی ٹی آئی کا کہنا تھا کہ احتجاج میں لیڈرشپ فرنٹ پر تھی علی امین بشریٰ بی بی ساتھ تھے ، جب تک بانی پی ٹی آئی رہانہیں ہوتےپرامن جدوجہدجاری رہے گی۔
انھوں نے بتایا کہ میری2گاڑیاں اور 4ملازم غائب ہوئے تھے، ملازم تھانہ سیکرٹریٹ میں ہیں گاڑیاں اب بھی غائب ہیں، میری گاڑی میں موجود پیسے رکھ لو لیکن بٹوا، اے ٹی ایم کارڈز اور گاڑی تو واپس کردو۔
اسلام آباد میں احتجاج سے متعلق اپوزیشن لیڈر نے کہا کہ ہم کوئی قلعہ فتح کرنے نہیں گئے تھے پرامن تھے، بشریٰ بی بی اور علی امین گنڈاپورپرقاتلانہ حملہ ہوا۔
انھوں نے مطالبہ کیا کہ ہمیں بانی پی ٹی آئی سے ملاقات کی اجازت دی جائے، شہباز شریف، مریم نواز، آئی جی پنجاب اور ڈی پی اواٹک کیخلاف پرچہ کروں گا۔
علی محمد خان کی آڈیو لیک ہونے کے معاملے پر رہنما پی ٹی آئی نے کہا کہ علی محمد خان کی آڈیو میرے علم میں نہیں۔
