اسلام آباد : اپوزیشن لیڈر عمر ایوب کا کہنا ہے کہ انسان ہوں یا فرشتے ہم مذاکرات کیلئے تیار ہیں، مطالبات نہ مانے تو سول نافرمانی کی طرف جائیں گے۔
تفصیلات کے مطابق اپوزیشن لیڈر عمر ایوب نے عدالت میں پیشی کے موقع پر میڈیا سے گفتگو کرتے ہوئے کہا کہ انسان ہوں یا فرشتے ہم مذاکرات کیلئے تیار ہیں، ملکی استحکام اور سیاسی پارہ نیچے لانے کیلئے بات چیت کرسکتے ہیں۔
اپوزیشن لیڈر کا کہنا تھا کہ قومی حکومت مسئلے کا حل نہیں، عدل و انصاف اور قانون کی بالادستی ہوگی تو ہی ملک آگے بڑھے گا۔
انھوں نے مطالبات کے حوالے سے بتایا کہ جھوٹے مقدمات کاخاتمہ اور بانی کی رہائی چاہتےہیں ساتھ ہی 9 مئی اور 24 نومبر کے واقعات پرعدالتی کمیشن بنایاجائے۔
رہنما پی ٹی آئی نے خبردار کیا کہ مطالبات نہ مانے تو سول نافرمانی کی طرف جائیں گے۔
مزید پڑھیں : بانی پی ٹی آئی نے حکومت سے مذاکرات کیلیے کمیٹی بنا دی
یاد رہے اڈیالہ جیل میں قید بانی چیئرمین پاکستان تحریک انصاف (پی ٹی آئی) نے حکومت سے مذاکرات کیلیے کمیٹی بنا دی ہے، جس میں اسد قیصر، عمر ایوب، سلمان اکرم راجہ، علی امین گنڈاپور اور حامد رضا شامل ہیں۔
عمر ایوب نے پی ٹی آئی رہنماؤں کے ہمراہ پریس کانفرنس میں بتایا تھا کہ کمیٹی سب سے مذکرات کرے گی، پی ٹی آئی کا سب سے بڑا مطالبہ ساتھیوں کی رہائی ہے،
