ابوظہبی: متحدہ عرب امارات(یو اے ای) نے غیر ویکسین یافتہ افراد پر سفری پابندی کا فیصلہ کیا ہے۔
عرب میڈیا کی رپورٹ کے مطابق اماراتی حکومت نے غیر ویکسین یافتہ شہریوں پر 10 جنوری سے بیرون ملک سفر کرنے پر پابندی عائد کرنے کا فیصلہ کرلیا ہے۔
رپورٹ میں بتایا گیا کہ وہ شہری جنہوں نے کورونا ویکسین کا کورس نہیں کیا انہیں 10 جنوری کے بعد امارات سے باہر جانے کی اجازت نہیں ہوگی۔
یو اے ای میں موجود شہریوں کو بوسٹر ڈوز لگوانے کی بھی ہدایت کی گئی ہے۔
خیال رہے کہ مذکورہ فیصلے سے وہ افراد مستثنی ہوں گے جنہیں ویکسین سے طبی طورپر استثنی دیا گیا ہے، علاج کی غرض سے سفر کرنے کی اجازت ہوگی۔
کورونا وائرس کی نئی قسم اومی کرونا کے پیش نظر عرب ممالک میں احتیاطی تدابیر سخت کرتے ہوئے ماسک اور سماجی فاصلے کی پابندی کی جارہی ہے۔
