آملیٹ ناشتے میں کھائی جانے والی نہایت عام شے ہے لہٰذا روزانہ ایک ہی آملیٹ کھا کر اکتاہٹ محسوس ہونے سے پہلے آملیٹ میں کچھ تبدیلی لائیں۔
آج ہم آپ کو ایسے ہی ایک منفرد اور ذائقہ دار آملیٹ بنانے کا طریقہ بتانے جارہے ہیں۔
اجزا
ڈبل روٹی: 4 عدد
انڈے: 2 عدد
چکن: ایک پاؤ چھوٹے چھوٹے ٹکڑوں میں کاٹ لیں
شملہ مرچ: آدھی
پیاز: 1 عدد
مکھن: تلنے کے لیے
موزریلا چیز: حسب ضرورت
نمک: حسب ضرورت
کالی مرچ: حسب ضرورت
ترکیب
سب سے پہلے ڈبل روٹی کے پیسز لیں اور انہیں اس طرح کاٹیں کہ ان کے کنارے ٹوٹے بغیر علیحدہ ہوجائیں۔
اب چکن کے پیسز، شملہ مرچ اور پیاز کو کاٹ کر چھوٹے چھوٹے ٹکڑے کرلیں۔
فرائی پین میں مکھن گرم کریں اور تمام اشیا اس میں ڈال دیں۔
اب اسے فرائی میں ہی دو چوکور ٹکڑوں میں تقسیم کریں اور ان کے اوپر ڈبل روٹی کا کھوکھلا ٹکڑا رکھ دیں۔
انڈے میں نمک اور کالی مرچ ڈالیں اور اسے پھینٹیں۔
یہ آمیزہ فرائی پین میں ڈبل روٹی کے اندر ڈالیں اور موزریلا چیز چھڑکیں۔
اوپر سے ڈبل روٹی کا دوسرا کٹا ہوا ٹکڑا رکھ دیں۔
جب اچھی طرح تل جائے تو اسے پلٹ کر دوسرا حصہ بھی تل لیں۔ سنہرا ہونے پر نکال دیں۔
مزیدار ناشتہ تیار ہے۔
