پاکستان شوبز انڈسٹری کے معروف اداکار و ماڈل عمر شہزاد نے اپنی اچانک شادی کرنے کی وجہ بتا دی۔
عمر شہزاد ایک قابل ذکر پاکستانی ماڈل، اداکار، اور میزبان ہیں جنہوں نے فروری 2025 میں مدینہ میں شادی کی، ان کی شادی کے غیر متوقع اعلان نے ان کے مداحوں اور شوبز انڈسٹری کے لوگوں کو حیران کر دیا تھا، حال ہی میں عمر شہزاد نے اپنی شادی کی تفصیلات شیئر کی ہیں۔
عمر شہزاد کی رمضان ٹرانسمیشن کے دوران معروف اداکارہ روبینہ اشرف نے عمر کی اچانک شادی کے اعلان پر اپنے تجسس کا اظہار کیا اور ان سے شادی کے بارے میں سوال کیا۔
View this post on Instagram
روبینہ اشرف نے سوال کیا کہ ہمیں باقی مشہور شخصیات کی شادیوں کا تو پہلے سے پتہ چل گیا تھا لیکن آپ کی شادی غیر متوقع تھی، کیا آپ بتانا چاہیں گے کہ یہ کیسے ہوا؟
عمر شہزاد کا کہنا تھا کہ شادی کے حوالے سے ہمارے گھر والے رابطے میں تھے لیکن مدینہ میں اس کا انعقاد باہمی فیصلہ تھا، میری خواہش تھی کہ میرا نکاح مدینہ میں ہو اور جب میں نے اس بارے میں اپنی منگیتر سے بات کی تو وہ جذباتی ہو گئیں کیونکہ ان کی بھی یہ ہی خواہش تھی۔
اداکار کا کہنا تھا کہ اس وقت مجھے انڈسٹری میں ہونے والی دیگر شادیوں کا علم نہیں تھا، درحقیقت میں خود اپنی شادی کے بارے میں بھی زیادہ پُریقین نہیں تھا، سب کچھ خدا کی مرضی سے اچانک اور بہت جلدی ہو گیا۔
انہوں نے کہا کہ میرا بھائی جرمنی سے اپنے اہلخانہ کے ساتھ آیا، میرے والدین بھی وہاں پہنچے اور میری منگیتر کے خاندان کے افراد بھی مدینہ آ گئے، بس اسی طرح کہ ہمارا نکاح انتہائی سادگی سے صرف 21 مہمانوں کی موجودگی میں ہوا۔
عمر شہزاد نے بتایا مدینہ میں کچھ پابندیاں تھیں لیکن میرے دوست کی مدد سے ہم نے سب کچھ بخوبی مکمل کیا، میرے دوست کے ایک عالم دین نے ہمارا نکاح پڑھایا۔
