لاہور: صوبہ پنجاب کے دارالحکومت لاہور میں کرونا وائرس کی نئی قسم اومیکرون کے کیسز میں بے تحاشہ اضافہ ہوگیا، اومیکرون کے مزید 28 کیسز رپورٹ کیے گئے ہیں۔
تفصیلات کے مطابق صوبہ پنجاب میں کرونا وائرس کی نئی قسم اومیکرون کے کیسز میں تیزی سے اضافہ ہورہا ہے، لاہور میں گزشتہ 24 گھنٹوں کے دوران اومیکرون کے 28 نبئے کیسز سامنے آگئے۔
محکمہ صحت پنجاب کا کہنا ہے کہ لاہور میں اومیکرون کے کیسز کی تعداد 432 ہوگئی ہے، جبکہ پورے پنجاب میں اومیکرون کے کیسز کی تعداد 462 ہے۔
محکمہ صحت کا کہنا ہے کہ شیخو پورہ میں بھی اومیکرون کے 2 نئے کیسز سامنے آگئے، لاہور کے ساتھ دیگر شہروں میں بھی اومیکرون کے کیسز میں اضافہ ہونا شروع ہوچکا ہے۔
محکمہ صحت کا کہنا ہے کہ کرونا وائرس کے نئے ویرینٹ کو روکنا ایک چیلنج بن چکا ہے، لاہور میں مجموعی طور پر کرونا وائرس کے مثبت کیسز کی شرح 8.3 فیصد ہوچکی ہے۔
