کراچی : شہر قائد میں ماڑی پور روڈ پر پولیس نے کارروائی کرتے ہوئے ملزم کو گرفتارکرکے اسلحہ برآمد کرلیا۔
تفصیلات کے مطابق کراچی میں ماڑی پور روڈ پر کراؤن سنیما کے قریب پولیس مقابلہ ہوا جس کے نتیجے میں ملزم کو زخمی حالت میں گرفتار کرلیا گیا۔
پولیس حکام کا کہنا ہے کہ ملزم حنیف عرف ڈگر کے قبضے سے اسلحہ اور موٹرسائیکل برآمد ہوئی ہے جبکہ ملزم کا ساتھی موقع سے فرار ہونے میں کامیاب ہوگیا۔
کراچی میں پولیس مقابلہ‘ 2 ٹارگٹ کلرہلاک
یاد رہے کہ گزشتہ ماہ کراچی میں ابوالحسن اصفہانی روڈ پراسکاؤٹ کالونی کے قریب پولیس مقابلے میں دو ٹارگٹ کلر ہلاک ہوگئے تھے۔
پولیس حکام کے مطابق مقابلے میں ہلاک ایک ٹارگٹ کلرکی شناخت ریحان بنگالی جبکہ دوسرے کی معصوم کے نام سے ہوئی تھی۔
کراچی: ایم کیو ایم لندن کے دو ٹارگٹ کلر گرفتار، 6 افراد کے قتل کا اعتراف
واضح رہے کہ رواں سال 3 ستمبرکو کراچی میں پولیس نے کارروائی کرتے ہوئے متحدہ قومی موومنٹ(لندن) سے تعلق رکھنے والے دو ٹارگٹ کلر کو گرفتارکیا تھا، ملزمان نے 6 افراد کے قتل کا اعتراف بھی کیا تھا
ایس ایس پی سینٹرل کا کہنا تھا کہ بفرزون سے گرفتار ملزمان میں اویس عرف شاہ اور عابد عرف نانا شامل ہے، ملزمان نے سب انسپکٹر مجیدآغا، کانسٹیبل نذیر اور اے ایس آئی کو قتل کیا۔
