برطانیہ کے وزیراعظم بورس جانسن نے کہا ہے کہ ملک میں ایک کروڑ افراد کو کورونا ویکسین کی پہلی ڈوز لگا دی گئی۔
برطانوی وزیراعظم نے ایک بیان میں کہا کہ ویکسینیشن مہم میں ساتھ دینے والوں کا شکر گزار ہوں، برطانیہ نےدنیامیں سب سے پہلے شہریوں کو ویکسین لگانا شروع کی۔
It’s fantastic that 10 million people in the UK have got their first dose of the vaccine.
Thank you to everyone who has helped make this possible. pic.twitter.com/FEx5OCy57S
— Boris Johnson (@BorisJohnson) February 3, 2021
برطانوی وزیراعظم نے کیپٹن ٹام مور کو خراج تحسین پیش کرنےکی اپیل کرتے ہوئے کہا کہ عوام سے گزارش ہے شام 6 بجے سرٹام مور کیلئے تالیاں بجائیں۔
جنگ عظیم دوم کے ہیرو کیپٹن سر ٹام مور کے اہل خانہ نے دعویٰ کیا کہ والد کا کرونا ٹیسٹ منفی آیا تھا۔
کیپٹن ٹام مور گیارہ دسمبر کو چار ہفتوں کی چھٹیاں گزارنے بارباڈوز گئے تو سوشل میڈیا پر اُن کو سخت تنقید کا نشانہ بنایا گیا تھا۔
ناقدین کا کہنا تھا کہ اُنہوں نے کرونا قوانین (ایس او پیز) کی خلاف ورزی کی ہے۔
اہل خانہ نے اس الزام کی سختی سے تردید کرتے ہوئے کہا کہ جب کیپٹن ٹام نے جب بارباڈوز سفر کیا تب اُن کے شہر میں دوسرے درجے کا لاک ڈاؤن نافذ تھا، بیرونِ ملک روانگی کے بعد وہاں تیسرے درجے کا لاک ڈاؤن نافذ کیا۔
میڈیکل ٹیم نے گھر پر اُن کا علاج جاری رکھا اور مزید طبعیت بگڑنے پر اکتیس جنوری کو اُنہیں ہسپتال منتقل کیا تھا، جہاں زیر علاج رہے اور 2 فروری کو دار فانی سے کوچ کرگئے۔
