کراچی: شہر قائد میں کورونا کے نئے ویرینٹ ایکس بی بی کی تصدیق ہوگئی ہے محکمہ صحت کے مطابق شہر میں اب تک 6 کیسز سامنے آئے ہیں۔
تفصیلات کے مطابق کراچی میں بھی کورونا کے اومیکرون ویرینٹ کے سب ویرینٹ ایکس بی بی کے کیسسز سامنے آگئے ہیں۔
محکمہ صحت سندھ کے حکام نے بتایا کہ کراچی میں کورونا کے نئے ویرینٹ کے 6 کیس سامنے آئے ہیں، کیسز ڈیفنس میں 3 ، شادمان ہومز اور طارق روڈ پر ایک، ایک کیس رپورٹ ہوا جبکہ ایک کیس ضلع شرقی میں سامنے آیا ہے۔
محکمہ صحت کا کہنا تھا کہ نئے کیسز اومیکرون ویرینٹ کے سب ویرینٹ ایکس بی بی کے ہیں ، جن کی تصدیق نیشنل اسٹیڈیم روڈ پر واقع نجی اسپتال نے کی ہے۔
حکام نے کہا ہے کہ کیسز کی تصدیق کے بعد اب ان لوگوں کے رابطہ میں آنے والوں کے ٹیسٹ کا سلسلہ شروع کیا جارہا ہے۔
محکمہ صحت سندھ کا کہنا ہے کہ جن کو کورونا کی علامات ہیں وہ اپنے آپ کو آئیسولیٹ کریں ، ویکسین کی بوسٹر ڈوز شہری فوری لگوائیں اور بڑے اجتماعات سے پرہیز کیا جائے۔
عالمی ادارہ صحت کے مطابق یہ قسم بیت زیادہ خطرناک نہیں اس لئے عوام الناس کو پریشان ہونے کی ضرورت نہیں ہےتاہم اس سلسلے میں محکمہ صحت نے عوامی مقامات پر ماسک پہنے پر زور دیا ہے۔
