خاموش فلموں کے معروف کردار چارلی چپلن کا نام تو آپ نے سنا ہوگا اور یقیناً ان کی ہنسی سے لوٹ پوٹ کردینے والی فلموں کے مناظر بھی ذہن نشین ہوں گے۔
ہر شخص اپنے بچپن میں تفریح کے لیے ایسی مزاحیہ فلمیں یا کارٹون دیکھتا ہے جس میں دکھائی دینے والے مناظر اسے ہنسنے پر مجبور کر دیتے ہیں۔
اگر کچھ ایسا ہی منظر ہمیں حقیقی زندگی میں دکھائی دے یا پھر کسی کے ساتھ بھی ایسی صورتحال پیش آجائے تو یقیناً آپ اپنی ہنسی کو نہیں روک پائیں گے۔
ایک ایسی ہی ایک ویڈیو سوشل میڈیا پر وائرل ہو رہی ہے جس میں یہ دیکھا جاسکتا ہے کہ ایک شخص جس کے ساتھ وہ واقعہ پیش آیا جیسا اکثر چارلی چپلن یا کسای کارٹون کریکٹر کے ساتھ ہوجاتا ہے۔
Like a cartoon… pic.twitter.com/9KppUxC4zM
— Rex Chapman🏇🏼 (@RexChapman) April 5, 2021
اس ویڈیو کلپ میں دیکھا جاسکتا ہے کہ ایک لکڑی سے بنے فرش پر ایک پھٹے کی کمی کو پورا کرتے ہوئے یہ شخص پراعتماد انداز میں اسے وہاں لگا دیتا ہے۔
بس اسی دوران اس سے نادانستہ طور ایک ایسی غلطی ہوجاتی ہے جو اس کے سر پر چوٹ لگنے کا باعث بنتی ہے جسے دیکھنے والا بے ساختہ ہنس پڑتا ہے۔
یہاں یہ شخص جانے انجانے میں ایک چھوٹی سی غلطی کردیتا ہے اور وہ یہ کہ اس پھٹے کو فٹ کیے بغیر ہی اس کے ایک کونے پر پاؤں رکھ دیتا ہے اور پھٹے کا دوسرا سرا اٹھ کر اس کے منہ پر آ لگتا ہے۔
سوشل میڈیا پر اس ویڈیو کو خوب شیئر بھی کیا جارہا ہے جبکہ اس پر دلچسپ تبصرے بھی کیے جارہے ہیں۔