The news is by your side.

Advertisement

ٹیسٹ کرکٹرعبدالقادرکو مداحوں سے بچھڑے ایک سال بیت گیا

عبدالقادر کی یادیں ہمیشہ ہمارے ساتھ رہیں گی، کامران اکمل

لاہور: ٹیسٹ کرکٹر عبدالقادر کو مداحوں سے بچھڑے ایک سال بیت گیا، وہ حرکت قلب بند ہونے کے باعث 63 برس کی عمر میں انتقال کرگئے تھے۔

تفصیلات کے مطابق گگلی ماسٹر عبدالقادر کی آج پہلی برسی منائی جا رہی ہے، پہلی برسی پر پی سی بی اور سابق ٹیسٹ کرکٹر مشتاق احمد نے انہیں خراج عقیدت پیش کیا۔

مرحوم کے ایصال ثواب کے لیے قرآن خوانی کا اہتمام کیا گیا، دعا میں ٹیسٹ کرکٹر کامران اکمل، عمر اکمل اور نسیم شاہ سمیت رحمان قادر، عثمان قادر اور عزیز و اقارب نے شرکت کی۔

PC: PCB

کامران کا کہنا ہے کہ عبدالقادر کی یادیں ہمیشہ ہمارے ساتھ رہیں گی، ان سے بہت کچھ سیکھا، ان کی وفات پر کیے گئے وعدوں میں سے ایک بھی پورا نہ ہوا۔

واضح رہے کہ اپنے دور میں عبدالقادر نے لیگ اسپنر کی حیثیت سے ٹیم کی فتوحات میں اہم کردار ادا کیا، گگلی ماسٹر نے ٹیسٹ میں 236 اور ون ڈے میں 132 وکٹیں حاصل کیں۔

سماجی رابطے کی ویب سائٹس پر بھی مداحوں نے عبدالقادر کی برسی پر انہیں خراج تحسین پیش کیا اور دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے۔

Comments

یہ بھی پڑھیں