اسلام آباد : وفاقی دارلحکومت میں ڈکیتی مزاحمت پر آن لائن بائیک رائیڈر کو قتل کردیا گیا اور موٹرسائیکل اور موبائل فون لوٹ کر فرار ہوگئے۔
تفصیلات کے مطابق اسلام آباد کے تھانہ سنگجانی کی حدود میں ڈاکوؤں نے ڈکیتی مزاحمت پر آن لائن بائیک رائیڈر قتل کردیا۔
پولیس کا کہنا ہے دوران واردات شہری کوتشددکانشانہ بھی بنایاگیا اور ڈاکو مقتول سےموٹرسائیکل اورموبائل فون لوٹ کرفرار ہوگئے۔
مزید پڑھیں : اسلام آباد میں پاکستانی نژاد غیر ملکی ڈکیتی مزاحمت پر زخمی
یاد رہے اپریل میں اسلام آباد کے علاقے تھانہ آبپارہ کی حدود میں پاکستانی نژادغیرملکی دوران واردات مزاحمت پر زخمی ہوگیا تھا۔
پولیس نے ڈکیتی کی دفعات پرمقدمہ درج کرلیا تھا، ایف آئی آر میں کہا گیا تھا کہ شہری کو تین مسلح موٹر سائیکل سواروں نے روک لیا، مسلح ملزمان نے گن پوائنٹ پر دوست سے موبائل چھینا۔
مقدمے کے متن کے مطابق متاثرہ غیرملکی شہری نے بیگ ، فون چھیننے پرمزاحمت کی جس پر ملزمان نے فائرنگ کی، ملزمان فائرنگ کے بعد فرار ہو گئے تاہم پولیس نے زخمی شہری کو اسپتال منتقل کر دیا ہے۔
