کراچی : کراچی میں دن دیہاڑے آن لائن منی ٹرانسفر شاپ لوٹ لی گئی، واردات کی سی سی ٹی وی فوٹیج سامنےآگئی، مسلح ملزمان رقم اور دکان پرموجودکئی موبائل کر لوٹ کر فرار ہوئے۔
تفصیلات کے مطابق کراچی میں پولیس ڈاکوؤں کے آگے بے بس ہیں اور شہر بھر میں دن دیہاڑے وارداتوں کا سلسلہ جاری ہے، نارتھ کراچی آن لائن منی ٹرانسفر شاپ لوٹ لی گئی۔
پولیس نے بتایا کہ مسلح ملزمان کیش کاؤنٹر سے رقم اور دکان پر موجود کئی موبائل کر فرار ہو گئے، واردات کی سی سی ٹی وی فوٹیج سامنے آگئی۔
سی سی ٹی وی فوٹیج میں دو مسلح ملزمان کو واردات کرتے ہوئے دیکھا جا سکتا ہے تاہم پولیس نے واقعے کی تحقیقات شروع کر دی ہیں۔
