تازہ ترین

پی ایس ایل 2023 کے ٹکٹوں کی آن لائن فروخت شروع

پاکستان سپر لیگ(پی ایس ایل) کے 8ویں ایڈیشن کے لیے ٹکٹوں کی آن لائن فروخت کا آج سے کرکٹ ڈاٹ بک می ڈاٹ کام پر جاری ہے۔

پی ایس ایل کا جنون شائقین کے سر چڑھ کر بولنے لگا، ٹکٹ کی آن لائن فروخت جاری ہے تاہم عوام کے رش کے باعث ویب سائٹ کریش کرگئی۔

پاکستان سپر لیگ کا آغاز 13 فروری سے ہورہا ہے، پہلے میچ میں سیزن 7 کی چمپین ٹیم لاہور قلندر  کا مقابلہ ملتان سلطان سے ہوگا رپورٹ کے مطابق اس میچ کی آن لائن ٹکٹ فروخت ہوچکی ہے۔

اس کے علاوہ 14 فروری کو پشاور زلمی اور کراچی کنگز کے درمیان ہونے والے میچ کی ٹکٹس بھی فروخت ہوچکی ہے۔

پی سی بی کے مطابق ایک ٹکٹ ایک شناختی کارڈ پر خریدا جا سکتا ہے، جن لوگوں کے پاس سی این آئی سی نہیں ہے، وہ پاسپورٹ کا استعمال کرکے ٹکٹ خرید سکتے ہیں، جبکہ 18سال سے کم عمر کے لیے بے فارم کی ضرورت ہوگی۔

 تمام شائقین کو حکومت کی طرف سے جاری کردہ آئی ڈی لانے کی ضرورت ہوگی جس کے ذریعے انہوں نے ٹکٹ خریدے ہیں۔

دوسری جانب پی سی بی کے مطابق لاہور کے ہاسپٹیلٹی بکس کی ٹکٹ 10 سے 18 ہزار مقرر کی گئی ہے، کراچی میں ہاسپٹیلٹی باکس کی ٹکٹس کی قیمت 10 سے 15 ہزار روپے میں دستیاب ہے۔

ملتان کے ہاسپٹیلٹی باکس کی قمیت 12 سے 18 ہزار روپے ہے، راولپنڈی میں پرئمیم ٹکٹس 1 ہزار سے 2500 روپے جبکہ پلاٹینم بکس کی قیمت 12 سے اٹھارہ ہزار تک ہوگی۔

Comments

- Advertisement -