The news is by your side.

Advertisement

پنجاب میں کرونا کے صرف 58 نئے کیسز رپورٹ

لاہور: ترجمان پرائمری اینڈ سیکنڈری ہیلتھ کیئر کی تازہ رپورٹ میں کہا گیا ہےکہ 24 گھنٹوں کے دوران پنجاب میں کرونا وائرس کے صرف 58 نئے کیسز سامنے آئے۔

ترجمان پرائمری اینڈ سیکنڈری ہیلتھ کیئر کے مطابق پنجاب میں کرونا وائرس کے کنفرم مریضوں کی تعداد95,800 ہو گئی، اب تک 848,779 ٹیسٹ کیے جا چکے ہیں، کرونا وائرس کو شکست دینے والوں کی تعداد 90,210 ہو چکی ہے۔

پنجاب میں کرونا وائرس سے آج کوئی ہلاکت نہیں ہوئی، اموات کی کل تعداد2,186 ہوچکی ہیں۔

پرائمری اینڈ سکینڈری ہیلتھ کیئر نے عوام سے گزارش کی کہ حفاظتی تدابیر اختیار کرکے خود کو محفوظ بنائیں، کرونا وائرس کی علامات ظاہر ہونے پر فوراَ 1033 پر رابطہ کریں۔

صوبے میں کرونا کے نئے کیسز کچھ یوں رپورٹ ہوئے۔ لاہور میں 24، شیخو پورہ3، راولپنڈی6 اور گوجرانوالہ میں3کیسز رپورٹ ہوئے۔ گجرات1، ملتان4، فیصل آباد 4 اور جھنگ میں 2کیسز سامنے آئے۔

اسی طرح سرگودھا 1، ڈیرہ غازی خان1، مظفرگڑھ1، راجن پور 7 اور ساہیوال میں1کیس رپورٹ ہوا ہے۔

Comments

یہ بھی پڑھیں