The news is by your side.

Advertisement

پی ٹی وی پرخطاب کا حق صرف صدراوروزیراعظم کوہے: پرویز رشید

اسلام آباد: حکومت نےعمران خان کاسرکاری ٹی وی سے خطاب کامطالبہ مسترد کردیا، وزیراطلاعات پرویز رشید نےدوٹوک کہا کہ پی ٹی وی سےخطاب کرنے کاحق صرف صدراوروزیراعظم کوحاصل ہے۔

تحریک انصاف کےچیئرمین عمران خان نے پی ٹی وی کومراسلہ لکھا جس میں حکام کو اتوارکی شام چھ بجےقوم سےخطاب کرنے کے لئے انتظامات کا مطالبہ کردیا جس نے سیاسی محاذکو مزید گرم کردیا۔

وزیر اطلاعات و نشریات پرویز رشید بولےاپوزیشن کوبرابروقت ملتا ہے۔ ایوان کی کارروائی دکھانےکااختیار اسپیکراورچیئرمین سینیٹ کوحاصل ہے اورگزشتہ روزبھی سرکاری ٹی وی نےحکومت اور اپوزیشن کویکساں وقت دیا۔

پانامہ پیپرزکی لیکج سرکاری ٹی وی تک پہنچنے پر چیئرمین پی ٹی وی عطاء الحق قاسمی نے صاف ہاتھ جھاڑلئے بولے میرا اختیار صدارت اور پالیسی بنانا ہے۔

عمران خان کوسرکاری ٹیلی ویژن پرخطاب کی اجازت ملے یا نہ ملےلیکن کپتان نےعوام کےسامنےسوال ضروررکھ دیاکہ سرکاری ٹی وی صرف حکومت کاہی ترجمان ہوتاہے؟۔

Print Friendly, PDF & Email

Comments

comments

یہ بھی پڑھیں