لاہور : ن لیگ کی مرکزی رہنما مریم نواز نے بڑھتی ہوئی مہنگائی پر تبصرہ کرتے ہوئے کہا ہے کہ ‘عوام کو غربت کے گڑھے میں داخل کردینے پر بھی لمبی تقرریں کرتے ہیں’۔
ان خیالات کا اظہار مسلم لیگ نواز کی مرکزی نائب صدر مریم نواز شریف نے مائیکرو بلاگنگ ویب سائٹ ٹوئٹر مہنگائی پر تبصرہ کرتے ہوئے کیا، انہوں نے کہا کہ پی ڈی ایم اور ن لیگ عوام کے احساسات کی ترجمانی کرتی ہے اور تکالیف کا مداوا چاہتی ہے۔
PDM اور مسلم لیگ ن عوام کے احساسات کی ترجمانی اور انکی تکالیف کا مداوا کرنا چاہتی ہے، آپ کی دکھ کی گھڑی میں آپ کے ساتھ کھڑا ہونا چاہتی ہے اور آپ کی آواز بننا چاہتی ہے۔ آپ کے خیال میں اس سلسلے میں ہمارا سب سے موثر اور انتہائی اقدام کیا ہونا چاہیے ؟
— Maryam Nawaz Sharif (@MaryamNSharif) November 6, 2021
مریم نواز نے کہا کہ پاکستان ڈیموکریٹ موؤمنٹ (پی ڈی ایم) عوام کے ساتھ کھڑا ہونا چاہتی ہے، انہوں نے ٹوئٹر پر سوال کیا کہ ہمارا مؤثر اور انتہائی اقدام کیا ہونا چاہیے؟
ن لیگی رہنما نے کہا کہ عوام کو غربت کے گڑھے میں داخل کردینے پر بھی لمبی تقریریں کرتے ہیں اور ایسی لمبی لمبی تقریریں وہ ہی کرسکتے ہیں جو غریب کا درد نہیں جانتے۔
مریم نواز نے کہا کہ ذرا لوگوں سے پوچھو کہ کون سا پاکستان چاہیے نیا یا پرانا؟
آدھی سے زیادہ آبادی غربت کے گڑھے میں داخل کر دینے کے بعد بھی گز بھر کی لمبی زبانیں انہیں کی نکل سکتی ہیں جو غریب کا درد نہیں جانتے۔ ذرا پوچھو لوگوں سے کہ وہ 2017 والا نواز شریف کا پاکستان چاہتے ہیں یا تمہارا غربت، مہنگائی، بے روزگاری،بدامنی، دہشت گردی اور فاقہ کشی والا پاکستان؟
— Maryam Nawaz Sharif (@MaryamNSharif) November 6, 2021
انہوں نے مزید کہا کہ نااہل حکمران کا مسلط کردہ مہنگائی کا غذاب اور جھوٹ کا کاروبار جاری ہے، حکمران کا دل ہمدردی اور آنکھ حیا سے عاری ہو تو ڈھٹائی پر اتر آتے ہیں۔
نااہل حکمران کا مسلط کردہ مہنگائی کا شدید عذاب، فاقہ کشی سے تنگ آئے لوگوں کی خودکشیاں،ہر شعبے میں خطے کا سب سے پسماندہ ملک بنا دینے کے بعد بھی اوپر سے نیچے تک جھوٹ کا کاروبار جاری ہے۔جب حکمران کا دل عوام کی ہمدردی اور آنکھ حیا سے عاری ہو جائے آئے تو یہی ڈھٹائی دیکھنے میں آتی ہے۔
— Maryam Nawaz Sharif (@MaryamNSharif) November 6, 2021