اسلام آباد : پاکستان میں کورونا صورتحال میں بہتری کے   بعد پنجاب اور خیبر پختونخواہ میں  16ستمبر سے تمام تعلیمی ادارے کھولنے کا اعلان کردیا گیا ہے۔

تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے کورونا پابندیوں میں نرمی کا اعلان کرتے ہوئے کہا ہے کہ 18اضلاع میں 50 فیصد ٹرانسپورٹ اور اسکولز کھولنے کی اجازت دے دی۔

جس کے بعد ،وزیرتعلیم شفقت محمود نے سماجی رابطے کی ویب سائٹ ٹوئٹر پر اپنے پیغام میں کہا کہ خوشی ہے کہ 16ستمبرسے تمام تعلیمی ادارےکھل جائیں گے۔

I am happy to report that all educational institutions will open from September 16

— Shafqat Mahmood (@Shafqat_Mahmood) September 14, 2021

دوسری جانب وزیر تعلیم پنجاب مراد راس نے ٹوئٹر پر پنجاب بھر کے اسکولوں سے متعلق پیغام میں کہا کہ پنجاب بھرکےاسکول 16 ستمبر سے کھولے جا رہے ہیں، اسکولز کو ایک دن میں50 فیصد طلباکو بلانے کی اجازت ہوگی ، کوروناایس او پیز پر عملدرآمد کو ہرممکن یقینی بنائیں۔

ANNOUNCEMENT:
All Public and Private Schools of Punjab to open on Thursday 16th September, 2021 with the staggered approach. Only 50% students will be allowed in Schools on any given day. Please follow COVID SOPs issued by the government. Welcome back.

— Murad Raas (@DrMuradPTI) September 14, 2021

وزیرتعلیم خیبر پختونخواہ شہرام ترکئی کا کہنا تھا کہ کےپی کےجن اضلاع میں اسکول بند ہیں وہاں16ستمبر سےکھولنے کا فیصلہ ہے، الحمدللہ تعلیمی اداروں میں بڑی تعدادمیں ٹیچرزنے ویکسین لگوالی ہے، 10سال سے زائدعمر کے اسٹوڈنٹس بھی ویکسین کرالیں۔