آپریشن بنیان مرصوص پر شام کے معروف مذہبی اسکالر ڈاکٹر عبدالعزیز الخطیب الحسنی الجیلانی نے پاکستانی مسلح افواج کو خراج تحسین پیش کیا اور بھارت کے خلاف فتح کو تاریخی قرار دے دیا۔
مذہبی اسکالر ڈاکٹر عبدالعزیز الخطیب الحسنی الجیلانی نے اپنے بیان میں کہا کہ آپ کی بہادری اور پاکستان کے دفاع کے قصے دنیا میں گونج رہے ہیں، ہماری مسلح افواج ہماری شان ہیں اور ہمارے لشکر ہماری قوت ہیں۔
پاک بھارت کشیدگی سے متعلق تمام خبریں
انہوں نے کہا کہ اپنے ٹینکوں کو تیار رکھو، پرچم بلند اور اپنی صفوں میں متحد رہو، آپ کی بنیاد سیسہ پلائی ہوئی دیوار ہے، آپ کا جہاد مقدس ہے اپنے سروں کو بلند رکھتے ہوئے خالد بن ولید کو یاد رکھو۔
’یہ دو ملکوں کی نہیں بلکہ دو عقیدوں یعنی ایمان و کفر کی جنگ تھی۔ آپ اپنی امت کے مستقبل کیلیے ایک صف میں کھڑے ہو جائیں۔ اس وقت پورا عالم اسلام آپ کی طرف دیکھ رہا ہے۔ افواج پاکستان کے سپہ سالار اور ہر بہادر سپاہی کیلیے ہماری طرف سے خوشبودار سلام۔‘
ان کا کہنا تھا کہ آپ نے وہ کام کر دکھایا ہے کہ تاریخ آپ کے نام سے بھری رہے گی، آپ کو فتح مبارک ہو اللہ پاک نے پاکستان کو محفوظ رکھا اور بلندی عطا فرمائی۔
آپریشن بنیان مرصوص
10 مئی بعد نماز فجر کے بعد پاکستان نے بزدلانہ بھارتی جارحیت کے خلاف آپریشن ’بنیان مرصوص‘ کے تحت کارروائی کا آغاز کیا جس نے دشمن ملک کو ہلا کر رکھ دیا۔
آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کیا، ادھم پور ایئربیس اور پٹھان کوٹ میں ایئرفیلڈ کو ملیا میٹ کیا اور اڑی سیکٹر میں بھارت کے سپلائی ڈپو کو نیست و نابود کیا۔
جوابی حملے میں بھارت کا بریگیڈ ہیڈ کوارٹرز کے جی ٹاپ کو تباہ کیا گیا۔ آدم پور کی ائیرفیلڈ کو بھی تباہ کر دیا گیا جہاں سے بھارت نے آدم پور ایئر فیلڈ سے امرتسر میں سکھوں، پاکستان اور افغاستان پر میزائل داغے گئے تھے۔
وہ تمام بیسز جہاں سے پاکستان کے عوام اور مساجد پر حملے کیے گئے ان کو نشانہ بنایا گیا۔ پاکستان نے دہرنگیاری میں بھارتی آرٹلری گن پوزیشن اور نگروٹا میں براہموس اسٹوریج سائٹ کو بھی تباہ کیا۔
نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ملیں۔ پاک فوج نے بھارت کی سورت گڑھ ائیر فیلڈ بھی ملیا میٹ کی۔ راجوڑی میں پاکستان میں دہشتگردی کروانے والا بھارتی ملٹری انٹیلیجینس کا تربیتی مرکز اور بھارت کی سرسہ ایئر فیلڈ کو تباہ کیا گیا۔
بھارت کی اڑی فیلڈ سپلائی ڈپو کو تباہ کیا گیا۔ پاکستان نے بھارت کی بھٹنڈہ ایئرفیلڈ اور اکھنور ایوی ایشن بیس کو تباہ کیا۔
