راولپنڈی: آپریشن رد الفساد کی پیش رفت جاری ہے، سیکورٹی فورسز نے وزیرستان اور ڈیرہ بگٹی میں بڑی کارروائیاں کر کے گولہ بارود بر آمد کر لیا۔
تفصیلات کے مطابق سیکورٹی فورسز نے شمالی اور جنوبی وزیرستان میں خفیہ اطلاع پر آپریشن کیا، آپریشن میں بڑی تعداد میں اسلحہ بر آمد کیا گیا۔
پاک فوج کے شعبہ تعلقات عامہ (آئی ایس پی آر) کے مطابق خفیہ اطلاع ملنے پر کی گئی کارروائی میں بڑی تعداد میں اسلحہ، گولیاں اور بارودی سرنگیں بر آمد کی گئیں۔
آئی ایس پی آر نے کہا ہے کہ وزیرستان میں سیکورٹی فورسز کے آپریشن میں ہیوی مشین گنز، سب مشین گنز، دستی بم اور مواصلاتی آلات بھی برآمد ہوئے ہیں۔
دریں اثنا سیکورٹی فورسز نے بلوچستان کے علاقے ڈیرہ بگٹی میں بھی خفیہ اطلاعات پر آپریشن کیے، ڈیرہ بگٹی میں بھی بڑی تعداد میں گولہ بارود بر آمد کیا گیا۔
آئی ایس پی آر کے مطابق ڈیرہ بگٹی سے بر آمد ہونے والے گولہ بارود میں بارودی مواد، اسلحہ اور راکٹ شامل ہیں۔ گولہ بارود اور مختلف نوعیت کے ہتھیار سیکورٹی فورسز نے اپنی تحویل میں لے لیے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
