اسلام آباد : پی ڈی ایم اور اتحادی جماعتوں میں انتخابات پر مختلف آرا سامنے آرہی ہیں، پیپلز پارٹی انتخابات میں تاخیر کے حق میں نہیں جبکہ ن لیگ کے اندر بھی انتخابات پر متضاد رائے ہے۔
تفصیلات کے مطابق پی ڈی ایم اور اتحادی جماعتوں میں انتخابات پر رائے تقسیم ہوگئی ، ذرائع نے بتایا کہ پنجاب، کے پی انتخابات پر حکومتی اتحادیوں کی 3میٹنگز ہو چکی ہیں۔
ذرائع کا کہنا ہے کہ پیپلز پارٹی انتخابات میں تاخیر کے حق میں نہیں جبکہ ق لیگ اور کچھ چھوٹی جماعتیں تاخیر چاہتی ہیں۔
ذرائع نے کہا ہے کہ اتفاق رائے پیدا کرنے کیلئے پہلےاتحادی اپنی جماعتوں میں مشاورت کریں گے ، ن لیگ کے اندر بھی انتخابات پر متضاد رائے ہے۔
کچھ لیگی رہنما انتخابات کی تیاریوں اور چند تاخیر کے انتظارمیں ہیں تاہم حتمی مشترکہ فیصلہ پارٹیوں کی انٹرنل میٹنگز کے بعد اتحادیوں کے اجلاس میں ہوگا۔
گذشتہ روز وزیراعظم شہبازشریف،آصف زرداری اورمولانافضل الرحمان کی ملاقات ہوئی تھی ، جس میں ملکی سیاسی صورتحال سمیت پنجاب اورکے پی سے متعلق حکمت عملی پر مشاورت کی گئی۔
ذرائع کا کہنا تھا کہ ملاقات میں آئندہ انتخابات نئی ڈیجیٹل مردم شماری کے بعد کرانے پر غور کیا گیا۔
