The news is by your side.

Advertisement

کیلے کے ٹرک میں افیون اسمگلنگ کی کوشش ناکام، ملزمان گرفتار

نئی دہلی : پولیس نے کیلے کے ٹرک میں افیون اسمگلنگ کی کوشش ناکام بناتے ہوئے دو افراد کو گرفتار کرلیا۔

غیر ملکی خبر رساں ادارے کی رپورٹ کے مطابق بھارتی پولیس نے اسمگلنگ کی کوشش ریاست راجستھان کے ضلع چرو میں ناکام بنائی، جہاں شاہراہ سے اسمگلر کیلوں کے ٹرک میں افیون چھپا کر غیر قانونی طور پر فروخت کرنے کی کوشش کررہے تھے۔

پولیس ترجمان کا کہنا ہے کہ خفیہ اطلاع ملنے پر ضلع چرو کی شاہراہ پر چیکنگ جاری کے اس دوران کچے کیلوں کا ٹرک گزرا، جسے چیکنگ کےلیے روکا گیا تو کیلوں کے نیچے سے افیون برآمد ہوئی۔

پولیس نے منشیات کو قبضے میں لیکر ٹرک میں سوار دو ملزمان پنجاب کے رہائشی جگجیت سنگھ اور امندیپ سنگھ کو گرفتار کرلیا۔

ملزمان نے دوران تفتیش انکشاف کیا کہ ضبط کی گئی غیر قانونی افیون اک لیرا جھالاواڑ سے ریاست پنجاب کے سنگ رور لے جائی جارہی تھی۔

پولیس ترجمان کا کہنا ہے کہ ضبط کی گئی افیون کی مارکیٹ ویلیو کم از کم 20 لاکھ کے قریب ہے۔

Comments

یہ بھی پڑھیں