اسلام آباد : متحدہ اپوزیشن نے پارلیمنٹ کے مشترکہ اجلاس کے لئے حکمت عملی طے کرلی اور اس عزم کا اظہار کیا کہ پوری قوت سے حکومت کی سیاہ قانون سازی کا راستہ روکیں گے۔
تفصیلات کے مطابق مسلم لیگ ن کے صدر شہبازشریف کی زیرصدارت متحدہ اپوزیشن رہنماؤں کا اہم مشاورتی اجلاس ہوا ، اجلاس پارلیمنٹ ہاؤس میں اپوزیشن چیمبر میں منعقد ہوا۔
اجلاس میں سید خورشید شاہ، یوسف رضاگیلانی، مولانا اسعد ، شاہد خاقان عباسی اور پارلیمانی لیڈر خواجہ آصف ، ایاز صادق، رانا ثناءاللہ کے علاوہ اپوزیشن کے دیگراراکین نے شرکت کی۔
اجلاس میں پارلیمنٹ کے مشترکہ اجلاس کے لئے متحدہ اپوزیشن نے حکمت عملی طے کرلی اور اس عزم کا اظہار کیا ہے کہ پوری قوت سےحکومت کی سیاہ قانون سازی کاراستہ روکیں گے۔
اپوزیشن اراکین کوپارلیمان میں حاضری یقینی بنانے کی ہدایت کی گئی اور اجلاس میں فیصلہ کیا گیا کہ متحدہ اپوزیشن قائدین اراکین کی حاضری یقینی بنائیں گے۔
اجلاس میں شہباز شریف نے کہا معاشی زوال ،مہنگائی کرنے والی حکومت سیاہ قوانین سےزندگی نہیں پاسکتی جبکہ اپوزیشن ارکان نے اظہار خیال کرتے ہوئے کہا حکومت گرتی ہوئی دیوار ہےسہارے اسےبچا نہیں سکتے۔
