لاہور : حکومت مخالف اپوزیشن جماعتیں انتخابی اصلاحات پر پھر ایک پلیٹ فارم پر اکٹھی ہونے کو تیار ہوگئی ، پیپلزپارٹی اور اےاین پی نے آل پارٹیز کانفرنس میں شرکت کی حامی بھر لی ہے۔
تفصیلات کے مطابق حکومت مخالف اپوزیشن جماعتیں پھر ایک پلیٹ فارم پر اکٹھی ہونے کو تیار ہوگئی، شہبازشریف انتخابی اصلاحات پر آل پارٹیز کانفرنس کامیاب بنانے کے لیے سرگرم ہیں۔
ذرائع کا کہنا ہے کہ پی ڈی ایم سے باہر پیپلزپارٹی اوراےاین پی نے بھی شرکت کی حامی بھر لی جبکہ فضل الرحمان ،پی ڈی ایم میں شامل دیگرجماعتوں نےبھی شرکت کافیصلہ کرلیا ہے۔
ذرائع جےیوآئی کے مطابق فضل الرحمان نے شہبازشریف کو بھرپورحمایت کی یقین دہانی کرادی، حکومت مخالف جماعتیں حکومت کےانتخابی بل پرمشترکہ لائحہ عمل تیارکریں گی،ذرائع
ذرائع کا کہنا ہے کہ پارلیمنٹ اورعوامی سطح پرانتخابی بل کی بھرپور مخالفت کی جائے گی اور بل کومنظور ہونےسےروکنے کےلیےحکمت عملی طےکی جائےگی۔
ذرائع نے کہا ہے کہ شہبازشریف کی اپوزیشن جماعتوں کےقائدین سے اے پی سی تاریخ پرمشاورت جاری ہے ، حتمی تاریخ کااعلان اپوزیشن جماعتوں کے مشورےکے بعد کیا جائے گا۔
ذرائع کے مطابق اپوزیشن جماعتوں کی اےپی سی جولائی کے پہلے ہفتے میں بلائے جانے کا امکان ہے۔
