The news is by your side.

Advertisement

کتے کو جہاز سے نیچے پھینکنے والی ویڈیو نے ہلچل مچا دی، حقیقت کیا ہے؟

انٹرنیٹ پر آئے روز تصویری پہیلیاں زیر گردش رہتی ہیں جو لوگوں کے ذہنوں کو الجھا کر رکھ دیتی ہیں، بہت سے لوگوں کا ان پہیلیوں کو حل کرنا محبوب مشغلہ ہوتا ہے۔

بہت سے افراد پہیلی میں کسی چیز یا تصویر میں چھپے راز کو تلاش کرنے میں ناکام ہوجاتے ہیں تو وہیں کچھ تیز آنکھوں اور تیز دماغ والے افراد ان پہیلیوں کو باآسانی حل کرنے میں کامیاب ہوجاتے ہیں۔

آج ہم آپ کے لیے ایک اور ویڈیو پہیلی لے کر حاضر ہوئے ہیں جو آپ کو بالکل سمجھ نہیں آئے گی کیونکہ یہ پہیلی تیز آنکھوں والے افراد ہی حل کرپائیں گے۔

اب آپ یہ ویڈیو دیکھ کر خود بتائیں کہ اس کتے کے بارے میں آپ کیا کہتے ہیں؟ یا پہلی نظر میں آپ نے کیا محسوس کیا؟ یہ بات آپ کو سر کھجانے پر مجبور کردے گی۔

اس ویڈیو پہیلی میں ایک کتے کو ہوائی جہاز سے باہر پھینکتے ہوئے دکھایا گیا ہے جبکہ ایسا ہرگز نہیں حالانکہ کتا پھینکنے کے بعد آپ اسے ہوا میں اڑتا ہوا بھی دیکھیں گے۔

جی ہاں !! کتے کے نیچے گرتے ہی ویڈیو کی ساری حقیقت آپ کے سامنے آگئی۔ درحقیقت کتا فوری طور پر ایک ایک ایسی جگہ پر گرتا ہے جس سے پتہ چلتا ہے کہ یہ برفیلی زمین ہے نہ کہ آسمان۔

مالک نے کتے کو تقریباً ایک فٹ کی اونچائی سے برف میں پھینکا تھا، ویڈیو دیکھ کر آپ سوچی رہے ہوں گے کہ کتا جہاز کے باہر فضا میں لٹک رہا ہے۔

جو چیز اس پہیلی کو مشکل بناتی ہے وہ یہ ہے کہ برف ابر آلود آسمان سے ملتی جلتی نظر آتی ہے جب کہ سفید برف کے ٹیلوں پر سورج کا عکس بادلوں سے نکلتی ہوئی روشنی کی طرح لگتا ہے۔

Comments

یہ بھی پڑھیں