اورکزئی: خیبر پختون خوا کے ضلع اورکزئی میں کباڑ میں گھر لایا گیا ایک مارٹر گولہ پھٹنے سے ایک شخص جاں بحق ہو گیا۔
تفصیلات کے مطابق کوہاٹ ڈویژن کے علاقے اپر اورکزئی میں اغل میں مارٹر گولہ پھٹنے سے ایک شخص جاں بحق اور ایک زخمی ہو گیا۔
پولیس حکام کا کہنا ہے کہ جاں بحق شخص اور زخمی دونوں بھائی ہیں، جو اغل کے پہاڑوں سے کباڑ جمع کر کے گھر لے کر آئے تھے۔
پولیس حکام کے مطابق گھر لائے گئے کباڑ میں ایک مارٹر گولہ بھی تھا جو غلط طور پر ہینڈل کیے جانے کی وجہ سے اچانک پھٹ کر افسوس ناک حادثے کا سبب بن گیا۔
زخمی کو علاج کے لیے ڈبوری اسپتال منتقل کر دیا گیا ہے۔
