لاہور : اورنج لائن اسٹیشن کے عملے نے ظلم کی انتہا کردی ، اسٹیشن کے نیچے بیٹھے مزدور سردی سے بچنے کیلیے آگ جلائے بیٹھے تھے۔
تفصیلات کے مطابق لاہور میں اورنج لائن اسٹیشن کے عملے نے مزدوروں بہیمانہ تشدد کیا پرتشدد کیا اور سخت سردی میں ان پر بے دردی سے ڈنڈوں کی بارش کردی۔
اطلاع ملنے پر پولیس نے فوری کارروائی کرتے ہوئے مزدوروں کو عملے کے قبضے سے بازیاب کرواکر ان کی جان بچائی۔
اس حوالے سے ذرائع کا کہنا ہے کہ کچھ مزدوروں نے لاہور کی سخت سردی سے بچنے کیلئے اسٹیشن کے نیچے آگ لگا رکھی تھی، جس پر اسٹیشن کا عملہ چراغ پا ہوگیا۔ اس موقع پر خاتون اہلکار بھی کسی سے پیچھے نہ رہی اور مزدوروں کا مرغا بنا کر خوب ڈنڈے برسائے۔
پولیس نے مزدوروں پر تشدد کے الزام میں سیکیورٹی گارڈز کو گرفتار کرکے مقدمہ درج کرلیا۔
