کراچی : اورنگی ٹاؤن 5نمبر کے قریب فائرنگ سے لڑکی کے بہیمانہ قتل کا واقعہ پیش آیا ہے, ملزمان نے لڑکی کے سر پر دو گولیاں ماریں۔
اے آر وائی نیوز کی رپورٹ کے مطابق ایس ایس پی ویسٹ کا کہنا ہے کہ کراچی کے علاقے اورنگی ٹاؤن 5نمبر کے قریب 2ملزمان لڑکی کو موٹرسائیکل پر ساتھ لے کر آئے تھے۔
- Advertisement -
موٹر سائیکل سوار ملزمان نے فائرنگ سے پہلے لڑکی سے کچھ دیر بات کی، ملزمان نے لڑکی کو موٹر سائیکل سے اتارا اور اس کے سر پر2گولیاں مار دیں، جائے وقوعہ سے گولیوں کے دو خول بھی مل گئے ہیں۔
پولیس حکام کے مطابق لڑکی سے کوئی چیز چھینی نہیں گئی، مقتولہ کی عمر 18 سے 20 سال کے درمیان ہے، لاش کو پوسٹ مارٹم کیلیے عباسی شہید اسپتال منتقل کردیا گیا ہے، لڑکی کی شناخت کا عمل بھی جاری ہے۔
