The news is by your side.

Advertisement

اورنگی ٹاؤن : گھر سے 12سالہ بچی کی پھندا لگی لاش برآمد

کراچی : اورنگی ٹاؤن میں ایک گھر سے 12 سالہ بچی کی پھندا لگی لاش برآمد ہوئی ہے، پولیس کے مطابق بچی کےگلے میں رسی بندھی ہوئی ہے۔

اورنگی ٹاؤن پولیس اطلاع ملتے ہی جائے وقوعہ پر پہنچ گئی اور لاش کو قبضے میں لے کر مزید کارروائی کیلئے عباسی شہید اسپتال منتقل کردیا گیا۔

اس حوالے سے ایس ایس پی سہائی عزیز نے میڈیا کو بتایا کہ ابتدائی طور پر مذکورہ واقعہ خودکشی کا نہیں لگ رہا، پوسٹ مارٹم کے بعد ہی اصل صورتحال واضح ہوسکے گی۔

ذرائع کا کہنا ہے کہ عباسی شہید اسپتال میں پوسٹ مارٹم کے لئے فی الوقت کوئی خاتون ڈاکٹر دستیاب نہیں ہے،اہل محلہ نے بتایا کہ بچی اپنے گھر میں اپنے بھائیوں کے ساتھ رہتی تھی۔

اہل محلہ کا کہنا ہے کہ متوفیہ بچی کی والدہ انتقال کرچکی ہیں بچی کے والد صبح بچوں کے ساتھ ناشتہ کرکے اپنے کام پر چلے گئے تھے۔

Comments

یہ بھی پڑھیں