ضمنی بلدیاتی الیکشن، سیکورٹی کے فول پروف انتظامات کا حکم

الیکشن کمیشن نے سندھ کے ضمنی بلدیاتی الیکشن کے لیے چیف سیکریٹری سندھ کو سیکیورٹی کے فول پروف انتظامات کرنے کا حکم دے دیا۔

سندھ کے 24 اضلاع میں ضمنی بلدیاتی الیکشن میں 59کونسلز کی 91 نشستوں پر7مئی کو پولنگ ہو گی۔ میونسپل کمیٹی کی1، چیئرمین وائس چیئرمین کی24 اور جنرل ممبر کی 38نشستوں پر ضمنی الیکشن ہو گا۔

الیکشن کے لیے 449 پولنگ اسٹیشنز میں سے 292 انتہائی حساس اور 157 کو حساس قرار دیا گیا ہے۔ پولنگ ڈے میں 1586پولنگ بوتھ پر 4138 افراد الیکشن ڈیوٹی دیں گے۔

دوسری جانب امیر جماعت اسلامی کراچی حافظ نعیم الرحمن نے کہا ہے کہ ہم مطالبہ کرتے ہیں کہ7 مئی کو بلدیاتی ضمنی انتخابات میں کراچی کی 11 یوسیز اور 15وارڈز پر آرمی اور رینجرز کو تعینات کیا جائے۔

Comments