کراچی : روس اور یوکرین میں ہونے والے حالیہ تنازعے کے پیش نظر پائلٹس کی بین الاقوامی تنظیم نے سیفٹی بلیٹن جاری کیا ہے۔
اس حوالے سے سول ایوی ایشن کی بین الاقومی تنظیم اکاﺅ نے بھی اپنا نوٹم جاری کردیا ہے۔
پائلٹس تنظیم (آئی ایف اے ایل پی اے) کا کہنا ہے کہ موجودہ جنگی حالات کے باعث مالڈووا، یوکرین اور روس کے مخصوص حصوں میں فضائی حدود بند ہے۔
سول ایوی ایشن کی بین الاقومی تنظیم اکاﺅ نے کہا ہے کہ یوکرین نے بہت سے علاقوں میں فضائی حدود بند کردیں ہیں اور روس نے بھی روستو سے ملحقہ علاقے میں فضائی حدود بند کی ہوئی ہے۔
ترجمان اکاﺅ کا کہنا ہے کہ تنازع سے متاثرہ ممالک سے رابطے میں ہیں، تیزی سے تبدیل ہوتی صورتحال میں ایئرلائنز خطرات کو مدنظر رکھیں، ایئرلائنز سول ایوی ایشن سے متعلقہ سیفٹی اور سیکیورٹی خطرات سے آگاہ کریں۔
Comments
- Advertisement -