اسلام آباد : وزیرخارجہ شاہ محمود قریشی نے بھارتی سازش بےنقاب کرتے ہوئے کہا کہ بھارت نے پارلیمنٹ کی آن لائن جعلی میگزین بنائی جس سے وہ کام کرتا رہا اور اے این آئی کو بھی کرتا رہا اور کررہا ہے۔
وزیر خارجہ شاہ محمود قریشی نے بھارتی کی جانب سے جعلی پروپیگنڈا کیے جانے پر شدید ردعمل دیتے ہوئے کہا کہ بھارتی ڈس انفولیپ نے ہمارے مؤقف کی تائید کردی، بھارت جعلی تھنک ٹینک این جی اوز کے ذریعے پروپیگنڈا آگے بڑھاتا رہا۔
انہوں نے کہا کہ بھارت نے پارلیمنٹ کی آن لائن جعلی میگزین بنائی جس سے وہ کام کرتا تھا، اے این آئی فیک نیوز کو فیڈ کرتی ہے اور دو نمبر کام کرنےکیلئے مواد دیتی ہے، اے این آئی جیسی تنظیمیں رائٹرز کو بھی فیڈ کرتی ہیں۔
وزیر خارجہ نے واضح کیا کہ اے این آئی کی رائٹرز سے پارٹنر شپ ہےکئی بار غلط انفارمیشن دی گئیں۔
شاہ محمود کا کہنا تھا کہ تاثر دیا جارہا تھا کہ مقبوضہ کشمیر کی صورتحال بہتر اور حالات معمول ہیں اور جعلی این جی اوز کو پروپیگنڈے کو ہوا دینے کےلیے اپنا ہتھیار بنایا گیا۔
ان کا کہنا تھا کہ پاکستان نے جو اقدامات اٹھائے تو دنیا نے ہماری تعریف کی اور بھارت 15 سال سے پاکستان کو نیچا دکھانے کی مسلسل کرشش کرتا رہا لیکن کامیاب نہ ہوسکا۔
وزیر خارجہ نے کہا کہ یورپی یونین سے بھارتی پروپیگنڈے کا نوٹس لینے کی اپیل کرتے ہیں، ہمارا مطالبہ ہے کہ یورپی پارلیمنٹ اس حوالے سے تحقیقات کرے۔
