آئی سی سی کرکٹ ورلڈکپ میں آسٹریلیا کے خلاف اگلے اہم مقابلے سے قبل پاکستانی ٹیم میں تبدیلیوں کی خبریں سامنے آنے لگیں۔
اے آر وائی کے پرگرام میں گفتگو کرتے ہوئے اسپورٹس رپورٹر شاہد ہاشمی کا کہنا تھا کہ پاکستان کے سارے پلیئرز صحتیاب ہوگئے ہیں، شاہین شاہ آفریدی اور عبداللہ شفیق کا پریکٹس سے قبل ٹمپریچر چیک کیا گیا۔ پاکستان کے لیے اچھی خبریں ہیں۔
شاداب خان کو اگلے میچ میں بٹھانے کے سوال پر انھوں نے کہا کہ کچھ ایسا ہی لگ رہا ہے کہ شاداب خان کو ورلڈکپ میں اب آرام دیا جائے گا۔
انھوں نے کہا کہ امکان ہے کہ اگلے میچ کے لیے انھیں ٹیم سے ڈراپ کردیا جائے گا کیوں کہ انکی پرفارمنس اچھی نہیں ہے۔ ان کی جگہ اگلے میچ میں لیگ اسپنر اسامہ میر ٹیم میں آئیں گے۔
شاداب خان کی جگہ اسامہ میر ٹیم کا حصہ؟؟ بنگلور میں موجود شاہد ہاشمی نے اندر کی خبر دے دی#ARYNews #ARYSports #CWC23 pic.twitter.com/T5KoffX0MJ
— ARY NEWS (@ARYNEWSOFFICIAL) October 18, 2023
اس موقع پر باسط علی نے کہا کہ پاکستان کو اپنا ہر میچ جیتنا ہوگا اور اوسط بھی بہتری بنانا ہوگی اور یہی صورتحال آسٹریلیا کے ساتھ بھی ہے۔
جبوبی افریقہ کی ٹیم بھی میچ ہارنے کے بعد پوائنٹس ٹیبل پر نیچے آگئی۔ پانچ میچز تک اوپر نیچے ہوتا رہے گا اس کے بعد فیصلہ ہوجائے گا کہ آپ نے کرنا کیا ہے۔
