لندن: گالفر نے گیند چلتی کار میں ڈال کر عالمی ریکارڈ بنا ڈالا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق انگلینڈ کے گالفر نے بال 277 میٹر کے فاصلے پر چلتی کار میں ڈال کر عالمی ریکارڈ اپنے نام کرلیا۔
گالفر مارکس آرمیٹیج ویسے تو اب تک گالف کا کوئی بڑا ایونٹ نہیں جیت سکے لیکن حال ہی میں انہوں نے ایک نیا اور انوکھا ریکارڈ اپنے نام کیا۔
ویڈیو میں دیکھا جاسکتا ہے کہ گالفر نے جیسے ہی ہٹ لگائی گیند سیدھی چلتی کار میں جاگری اور گاڑی کا ڈرائیور بھی گیند گاڑی میں آنے پر خوشی کا اظہار کررہا ہے۔
مارکس نے 277 میٹر دور چلتی کار میں گالف کی گیند کو پھینک کر نیا ریکارڈ بنایا۔
اس سے قبل یہ ریکارڈ ڈیوڈ کولتھارڈ کے پاس تھا جنہوں نے 2012 میں چلتی کار میں گیند کو پھینکا تھا۔
WATCH: Golfer Marcus Armitage made sporting history when he landed a golf ball in a moving car 277 meters away. The 33-year-old beat the previous world record of nearly 250 meters, which was set in 2012 by David Coulthard and Jake Shepherd 🏌️ pic.twitter.com/ePIoEcPO08
— Reuters India (@ReutersIndia) April 29, 2021
