The news is by your side.

Advertisement

کرونا وبا کے باعث فضائی سفر کئی برس تک متاثر رہنے کا خدشہ

دوحہ : بین الاقوامی ایئرلائنز نے کرونا وائرس کی وبائی صورتحال کے باعث کئی برس تک ہوائی سفر متاثر ہونے کا خدشہ ظاہر کردیا۔

خلیجی ریاست قطر کی انٹرنیشنل ایئرلائن قطرایئرویز کے سینئر ایگزیکٹو نے ایک تقریب سے خطاب کرتے ہوئے خدشہ ظاہر کیا کہ کرونا وائرس کی وجہ سے پیدا ہونے والی بحرانی صورتحال نے بزنس کلاس کا سفر طویل مدت کےلیے متاثر کردیا جو فضائی کمپنیوں کی آمدن میں اضافے کا اہم ذریعہ تھا۔

سینئر ایگزیکٹو تھیئری انتینوری نے کہا کہ فضائی کمپنیوں کی جانب سے کرایوں میں کمی کے بعد بزنس کلاس کا سفر دوبارہ بحال ہونے میں طویل وقت لگے گا۔

انہوں نے کہا کہ وبائی صورتحال سے قبل ایئرلائنز بزنس کلاس میں سفر کرنے والے مسافروں کو انتہائی لگژری نشستیں اور سہولیات مہیا کررہی تھیں لیکن کارپوریشنز کی جانب سے اخراجات میں کمی نے بزنس کلاس میں سفر کرنے والوں کو بھی متاثر کیا ہے۔

خلیجی ملکوں کی ایئرلائنز کے لیے بزنس کلاس کے سفر کی بحالی کی مدت کا اندازہ کرنا اس لیے بھی ضروری ہے کہ ان کہ جہازوں میں نشستوں کی بیشر تعداد بزنس کلاس کی ہوتی ہے۔

Comments

یہ بھی پڑھیں