site
stats
کھیل

اوول ٹیسٹ،سانحہ کوئٹہ کے شہداء کی یاد میں ایک منٹ کی خاموشی اور فاتحہ خوانی

اوول : سانحہ کوئٹہ کے لواحقین سے یک جہتی کے لیے پاکستانی کرکٹ ٹیم آج بازوؤں پر سیاہ پٹیاں باندھ کرمیدان میں اتری۔

تفصیلات کے مطابق اوول ٹیسٹ کے آغاز سے قبل سانحہ کوئٹہ کے شہدا کے سوگ میں ایک منٹ کی خاموشی اختیار کی گئی جب کہ پاکستانی ٹیم نے شہداء کے ایصال ثواب کے لیے فاتحہ خوانی بھی کی۔

اس موقع پر پاکستان اور انگلینڈ کی ٹیمیں گراؤنڈ میں کھڑی تھیں جبکہ اسٹیڈیم میں موجود تماشائی اپنی نشستوں پر کھڑے ہوگئے،پاکستان کرکٹ ٹیم اور انگلینڈ کی کرکٹ ٹیم بازوؤں پر سیاہ پٹیاں باندھ کر میدان میں اتریں۔

یہ خبر پڑھیں : کوئٹہ: سول اسپتال میں دھماکا، 70افراد جاں بحق، 112 زخمی

یاد رہے دو روز قبل سول اسپتال کوئٹہ میں خودکش دھماکے کے نتجیے میں 75 افراد جاں بحق ہو گئے تھے جب 100 سے زائد زخمی ہوئے تھے،دھماکہ اس وقت ہوا جب بلوچستان بار ایسوسی ایشن کے صدرکی لاش اسپتال لائی گئی تھی اور وکلاء ان کی میت گھر لے جانے کے لیے اکھٹے ہوئے تھے کہ خودکش دھماکہ کر دیا گیا۔

یہ خبر بھی پڑھیں : اوول ٹیسٹ،انگلینڈ کا پاکستان کے خلاف ٹاس جیت کر بیٹنگ کا فیصلہ

واضح رہے آج پاکستان کرکٹ ٹیم  اپنے دورہ برطانیہ میں اپنا چوتھا ٹیسٹ انگلینڈ کے خلاف اوول میں کھیل رہی ہے،چار ٹیست میچوں کی سیریز میں انگلینڈ کو برتری حاصل ہے پاکستانی ٹیم یہ میچ جیت کر سیریز برابر کرنے کے لیے پُرعزم ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top