The news is by your side.

Advertisement

سوا کروڑ خواتین رجسٹرڈ ہی نہیں ہوں گی تو شفاف الیکشن کیسے ہوگا، بابر یعقوب

اسلام آباد: سیکریٹری الیکشن کمیشن بابریعقوب کا کہنا ہے کہ سوا کروڑ خواتین رجسٹرڈ ہی نہیں ہوں گی تو شفاف الیکشن کیسے ہوگا، سیاسی جماعتوں کی ذمہ داری ہے خواتین ووٹرز کی رجسٹریشن یقینی بنائیں۔

تفصیلات کے مطابق سیکریٹری الیکشن کمیشن بابریعقوب نے انتخابی اصلاحات کانفرنس سے خطاب کرتے ہوئے کہا کہ الیکشن کمیشن فافن کی آبزرویشن، تنقید پراسے اپنا پارٹنرسمجھتا ہے، فافن کی سفارشات پر باقاعدہ ورکنگ گروپ تشکیل دیا ہے۔

انہوں نے کہا کہ آبادی کے تناسب کے حوالے سے نمائندگی پرغور کرنا چاہیے، کینیڈا، آسٹریلیا میں مقبول جماعتیں حکومت میں نہیں آ سکیں، سیاسی جماعتوں سے درخواست کروں گا ہم سے تعاون کریں۔

سیکریٹری الیکشن کمیشن نے کہا کہ سوا کروڑ خواتین رجسٹرڈ ہی نہیں ہوں گی تو شفاف الیکشن کیسے ہوگا، سیاسی جماعتوں کی ذمہ داری ہے خواتین ووٹرز کی رجسٹریشن یقینی بنائیں۔

بابر یعقوب نے کہا کہ الیکشن 2018 سے پہلے 43 لاکھ خواتین ووٹرز کو رجسٹر کیا گیا، خدشہ ہےغیر رجسٹرڈ خواتین ووٹرز کی تعداد بڑھ نہ جائے۔ انہوں نے مزید کہا کہ خواتین ووٹرز کی رجسٹریشن کے لیے نادرا سے مل کر کام کر رہے ہیں، سیاسی جماعتوں کی جانب سے خواتین ووٹرز پرتعاون کا فقدان ہے۔

fb-share-icon0
Tweet 20

Comments

comments

یہ بھی پڑھیں